نماز فجر اور مغرب کے بعد ٹانگیں موڑے بغیر دس مرتبہ یا اس سے بھی زیادہ مرتبہ یہ دعا پڑھیں۔
اللہ کے سوا کوئی معبود نہیں جو تنہا ہے، اور جس کا کوئی شریک نہیں، اسی کے لئے ملک ہے، اور اسی کے لئے سب تعریف ہے،اسی کے ہاتھ میں خیر ہے وہ زندہ کرتا ہے اور مارتا ہے، اور وہ ہر چیز پر قادر ہے۔
ایک حدیث میں آیا ہے کہ رسول اللہ ﷺ نے فرمایا کہ نماز فجر اور مغرب کے بعد ٹانگیں موڑے بغیر جوشخص دس مرتبہ یہ پڑھ لیا کرے تو اس کے لئے ہر مرتبہ کے بدلے دس نیکیاں لکھی جائیں گی، اور اس کے دس گناہ (نامۂ اعمال) سے مٹادیے جائیں گے، اور اس کے دس درجے بلند کر دیے جائیں گے، اور ہر بری چیز سے اور شیطان مردود سے محفوظ رہے گا اور شرک کے سوا کوئی گناہ اسے ہلاک نہ کر سکے گا، اور وہ سب لوگوں سے افضل رہے گا۔ ہاں! اگر کوئی اس سے زیادہ پڑھ کر آگے بڑھ جائے تو اور بات ہے۔:
