(نوافل وغیرہ میں) تکبیرِ تحریمہ کے بعد یہ دعا بھی پڑھی جاسکتی ہے
میں نے تو سب سے یکسو ہوکر اپنا رخ اس ہستی کی طرف کر لیا جس نے آسمانوں اور زمین کو پیدا کیا (فرمانبردار ہوکر) ، میں شرک کرنے والوں میں سے نہیں ہوں۔ میری نماز میرے تمام مراسم عبودیت، میرا جینا اور مر نا سب اللہ ہی کے لیے ہے، جو سارے جہاں کا رب ہے، جس کا کوئی شریک نہیں، اسی کا حکم دیا گیا ہے اور سب سے پہلے سر اطاعت جھکانے والا میں ہوں۔ اے اللہ! تو باد شاہ ہے، تیرے سوا کوئی معبود نہیں، تو میرا رب ہے اور میں تیرا بندہ ہوں۔ میں نے اپنی جان پر ظلم ڈھایا ہے، اور اپنے گناہوں کا اقرار کیاہے، تو میرے سارے گناہوں کو بخش دے، بے شک تو ہی گناہوں کو بخشتا ہے، اور مجھے بہترین اخلا ق کی ہدایت فرما، ان اخلاق حسنہ کی جانب صرف تو ہی رہنمائی کرنے والا ہے، بری عا دتوں اور بدخلقی کو مجھ سے دور کر دے، صرف تو ہی ان بری عادتوں کو دور کرنے والا ہے۔ میں حاضر ہوں، تیرے حکم کی تعمیل کے لیے حاضر ہوں، تمام بھلائیاں تیرے ہاتھ میں ہیں، تیری طرف برائی کی نسبت نہیں کی جاسکتی، میں تیر ا ہوں اور میرا ٹھکانا تیری ہی طرف ہے، تو بڑی بر کت والا اور بہت بلند وبالا ہے، میں تجھ سے مغفرت طلب کرتا اور تیرے حضو ر توبہ کرتا ہوں۔
