سوال

ایک شخص پانچ چھ رمضان،  جمعرات کے دن فوت ہوگیا ۔ وہ ایک بے گناہ آدمی کا قاتل تھا اور حقوق العباد بھی اس پر بہت زیادہ باقی ہیں اور نماز وغیرہ میں بھی  بہت کم زور تھا،  اس  نے   4   سال جیل کاٹی، اور 3 سال گردوں کی بیماری میں گزارے اور بہت تکلیف سے گزارے، کیا اس کی بخشش ہوسکتی ہےاور کیا اس پر یقینًا قبر کا عذاب نہیں  ہوگا؛ کیوں کہ وہ  رمضان کے مہینے اور جمعرات کے دن فوت ہوا؟ 

جواب

قرآنِ  پاک میں اللہ تعالیٰ کے فرمان کی رو سے مرنے کے بعد کفر وشرک کی کوئی معافی نہیں ہے، اس کے علاوہ اللہ تعالیٰ اپنی رحمت سے کوئی بھی گناہ معاف کرسکتے ہیں، باقی مرنے کے بعد بندے اور اس کے رب کا معاملہ ہے، ہم لوگ یقینی طور پر کسی کے بارے میں بھی نہ یہ کہہ سکتے ہیں کہ اسے ضرور عذاب ہوگا یا اس کی مغفرت ضرور ہوگی، ہمارے بس میں صرف یہ ہے کہ حتیٰ الامکان اپنے مرحوم عزیزوں کے ذمے میں  جو حقوق اللہ یا حقوق العباد باقی ہیں ان کی تلافی کی کوشش کریں، کثرت سے ان کے  لیے ایصالِ ثواب کریں اور اللہ تعالیٰ سے ان کے  لیے مغفرت کی دعا کریں، اللہ تعالیٰ کی رحمت سے مایوس ہونے کے بجائے اللہ تعالیٰ سے اچھی امید اور اچھا گمان رکھیں۔ 

باقی رمضان المبارک میں انتقال کرنے والے کو عذابِ قبر ہوگا یا نہیں؟ اس حوالے سے  تفصیل درج ذیل فتاویٰ میں ملاحظہ کیجیے:

رمضان المبارک میں انتقال ہونے کی فضلیت

رمضان المبارک میں انتقال کرنے والے کا حساب و کتاب

کیا رمضان المبارک میں مرنے والا شخص ہمیشہ کے لیے جنت میں جائے گا؟

فقط واللہ اعلم