ایمازون، فلپ کارٹ (Flipkart) اور دیگر آن لائن ایپلیکیشن پر خرید و فروخت کرنا کیسا ہے؟
ایمازون کے ذریعہ کاروبار کرنے کا حکم یہ ہے کہ جن طریقوں کے ذریعہ کام کرنے میں شرعی اصولوں کی پابندی پائی جاتی ہو، مثلاً: مبیع بائع کی ملکیت میں ہو، بیع قبل البقبض نہ ہو، وغیرہ تو ان طریقوں کے ذریعہ کام کرنا درست ہے اور جن طریقوں کے ذریعہ کام کرنے میں شرعی اصولوں کی پابندی نہ کی جاتی ہو، تو ایسے طریقوں سے کام کرنا درست نہیں ہوگا۔
مزید تفصیل کے لیے مندرجہ ذیل لنک پر موجود فتوی کو ملاحظہ کریں:
ایمازون سے کاروبار اور کمیشن کاحکم
اور فلپ کارٹ (Flipkart) بھی جو کہ دلال اور بروکر کی حیثیت رکھا ہے، اس میں اگر فلپ کارٹ کمپنی کا نفع متعین ہو اور جس چیز کو فروخت کیا جارہا ہے، وہ چیز موجود ہو اور جو فروخت کنندہ ہے، وہ اس چیز کا مالک ہو اور اس پر قبضہ کر چکا ہو، یعنی اس پر قبضہ کرنے سے پہلے اس کو نہ بیچے اور دیگر شرعی اصول وضوابط بھی اس میں پائے جاتے ہوں، تو ایسی صورت میں فلپ کارٹ کے ذریعہ خرید و فروخت کرنا جائز ہے۔
فقط واللہ اعلم
فتوی نمبر : 144402101344
دارالافتاء : جامعہ علوم اسلامیہ علامہ محمد یوسف بنوری ٹاؤن
