سوال

کیا نبی کریم صلی اللہ علیہ وسلم کا سایہ تھا؟

جواب

واضح رہے کہ قرآن مجید کی متعدد آیات حضور صلی اللہ علیہ وسلم کے بشر ہونے پر نص قطعی کا درجہ رکھتی ہیں،لہذا بشری خصائص کی حضور صلی اللہ علیہ وسلم سے نفی کرنے کے لیے مشہور و متواتر حدیث کا ہونا ضروری ہے،جبکہ حضور صلی اللہ علیہ وسلم کے سایہ نہ ہونا کسی ایک صحیح حدیث سےبھی ثابت نہیں ہے،علامہ جلال الدین سیوطی رحمہ اللہ نے ایک حدیث خصائص کبری میں نقل کی ہے جس سے آپ صلی اللہ علیہ وسلم کا سایہ نہ ہونا ثابت ہوتا ہے،لیکن یہ روایت سند کے اعتبار سے نہایت کمزور ہے،اس کی تفصیل مفتی محمد شفیع عثمانی صاحب رحمہ اللہ کے رسالہ "مامول القبول في ظل الرسول"  میں دیکھی جاسکتی ہے جو کہ امداد المفتین، ص:232،ط:دار الاشاعت میں موجود ہے۔

لہذا صورتِ مسئولہ میں راجح قول یہی کہ حضور صلی اللہ کا سایہ تھا اور عوام میں جو یہ مشہور ہے کہ آپ صلی اللہ کا سایہ نہیں تھا یہ غلط ہے۔مزید تفصیل کے لیے درج ذیل لنک پر کلک کیجیے:

"رسول اکرم صلی اللہ علیہ وسلم کے سایہ سے متعلق تحقیق"

فقط واللہ اعلم