سوال

آج کل ایک فتویٰ جاری ہوا ہے  کہ معیار قربانی سونے کا نصاب ہے نہ کہ چاندی؛ کیوں کہ چاندی بہت سستی ہو گئی ہے، جس کی وجہ سے غریب کا حرج ہے، جس کے پاس 40 ہزار روپے ہیں، اس پر بھی قربانی واجب ہے۔ زکات کے لیے چاندی ہی رہے گی؛ کیوں کہ اس میں غریب کا فائدہ ہے۔ کیا فتویٰ درست ہے اور ہمارے علماء کی طرف سے ہی ہے؟

جواب

صورتِ مسئولہ میں وجوبِ قربانی کے حوالے سے معیار چاندی کا ہی نصاب ہے، اس حوالے سے فتوی میں کسی قسم کی تبدیلی نہیں، جمہور اہلِ علم کے رائے یہی ہے۔

نیز وجوب کی ادائیگی کے لیے ہرگز ضروری نہیں کہ ساٹھ ستر ہزار یا اس سے زیادہ رقم کا جانور قربان کیا جائے، وجوب کی ادائیگی کے لیے چند ہزار کا ایک حصہ کرلینا کافی ہے۔

مزید تفصیل کے لیے دیکھیے:

قربانی کے نصاب کا معیار سونا یا چاندی؟

فقط واللہ اعلم