سوال

کبوتر پالنا کیسا ہے گھر میں یا گھر کے باہر ؟

جواب

پرندے پالنا شرعاً جائز ہے بشرطیکہ  ان کے کھانے پینے کا مکمل خیال رکھا جائے،  یا ان کو کچھ وقت کے لیے آزاد چھوڑا جائے کہ وہ اپنے کھانے پینے کا خود انتظام کرسکیں۔

لہذا صورتِ مسئولہ میں مذکورہ بالا شرط کی رعایت کے ساتھ کبوتر  پالنا   جائز ہوگا، خواہ گھر میں پالے جائیں یا گھر کے باہر۔ البتہ کبوتر بازی کو مشغلہ بنانا اور گھروں کی  چھتوں پر کبوتر اڑانا  شرعًا ناپسندیدہ ہے، اس سے اجتناب چاہیے۔

مزید تفصیل کے لیے دیکھیے:

پرندے پالنا اور کاروبار کرنا

 فقط واللہ اعلم