خطبہ جمعہ پڑھنے کا طریقہ کیا ہے؟
جمعہ کا خطبہ پڑھنے کا طریقہ یہ ہے کہ امام منبر یا کرسی پر بیٹھے اور اس کے سامنے مؤذن جمعے کی اذانِ ثانی کہے، جب اذان ہو جائے تو امام نمازیوں کی طرف منہ کرکے منبر یا زمین پر کھڑا ہو اور خطبہ پڑھے۔ ایک خطبہ پڑھ کر ذراسی دیر (تقریباً تین مختصر آیات پڑھنے کی مقدار) بیٹھے، پھر کھڑا ہوکر دوسرا خطبہ پڑھے، جب خطبہ ختم ہوجائے تو امام منبر سے اتر کر محراب کے سامنے (موجودہ حالات میں جہاں امام کا مصلی ہو، وہاں) آئے اور مؤذن تکبیر کہے۔ پھر سب کھڑے ہوکر امام کے ساتھ نماز پڑھیں۔
اگر منبر یا کرسی یا کوئی بھی اونچی چیز موجود نہ ہو تو خطبہ سے پہلے اور دو خطبوں کے درمیان امام زمین پر بھی بیٹھ سکتا ہے۔فقط واللہ اعلم
جمعہ کے مختصر خطبے کے لیے درج ذیل لنک ملاحظہ کیجیے:
فتوی نمبر : 144108200534
دارالافتاء : جامعہ علوم اسلامیہ علامہ محمد یوسف بنوری ٹاؤن