سوال

جاوا آئی پر کام کرنا جائز ہے یا نہیں؟

جواب

واضح رہے کہ "جاوا آئی" کمپنی كا  بنیادی مقصد فلم بنانے  والوں كا تعاؤن كرنا،  ان کے لیے  سرمایہ  جمع کرنااور فلم كی ترویج  میں میں اپنا حصہ ڈالنا ہے، چنا ں چہ فلموں کے لیے کام کرنا،سرمایہ جمع کرنا  یا اس کی ترویج میں حصہ لینا جائز نہیں ہےاور نہ ہی اس کی آمدن حلال ہے، کیوں کہ اس میں گناہ کی معاونت ہے، اور گناہ کےکام  میں تعاون کرنا بھی گناہ ہے،لہذا "جاوا آئی" کمپنی میں کام کرنا ناجائز ہے۔

قرآن کریم میں اللہ رب العزت کا ارشاد ہے:

"وَتَعَاوَنُوا عَلَى الْبِرِّ وَالتَّقْوَىٰ وَلَا تَعَاوَنُوا عَلَى الْإِثْمِ وَالْعُدْوَانِ." ﴿المائدة: ٢﴾

احکام القرآن للجصاص میں ہے:

"{ولا تعاونوا على الاثم والعدوان} نهى عن معاونة غیرنا علی معاصی الله تعالیٰ."

(مطلب البیان من اللہ تعالیٰ علی وجھین، 2/ 381،ط: دار الكتب العلمية بيروت)

تفسیر ابن کثیر میں ہے:

"{ولا تعاونوا على الاثم و العدوان}، یأمر تعالی عبادہ المؤمنین بالمعاونة علی فعل الخیرات وهوالبر و ترك المنکرات و هو التقوی، و ینهاهم عن التناصر علی الباطل و التعاون علی المآثم والمحارم."

(مائدة،الآیة:1، 2/ 12 ط: دار طيبة)