میں اپنے گھر میں تراویح کی جماعت کروانا چاہتا ہوں، اس سلسلے میں آپ مجھے صفوں کی ترتیب بتا دیں، میں خود عمر 51سال، دو بیٹے ایک 15 اور دوسرا 13سال جب کہ خواتین عمریں 40 ، 18 ،16 سال ہیں۔
صورتِ مسئولہ میں اگر آپ یا آپ کا پندرہ سالہ بالغ بیٹا تراویح کی امامت کروارہا رہا ہو تو صف بندی کی ترتیب یوں ہوگی کہ پہلی صف میں امام کھڑا ہو، اور اس سے پیچھے والی صف میں دونوں مرد (یا دونوں لڑکے) کھڑے ہوں، اور ان سے پیچھے دوسری صف میں خواتین کھڑی ہوں، اور خواتین میں سے کوئی نامحرم ہو تو وہ پردے کے اہتمام کے ساتھ کھڑی ہو۔
گھر میں تراویح سے متعلق مزید تفصیل کے لیے درج ذیل لنک پر جامعہ کا فتویٰ ملاحظہ فرمائیں:
گھر میں بیوی اور بچوں کے ساتھ تراویح ادا کرنا اور اس کا طریقہ
فقط واللہ اعلم
فتوی نمبر : 144109200456
دارالافتاء : جامعہ علوم اسلامیہ علامہ محمد یوسف بنوری ٹاؤن