سوال

 کیا بیٹا اپنے باپ کو اپنےذمہ زکات میں سے کچھ یا ساری رقم دے سکتا ہے؟ جب کہ باپ نے وہ رقم اپنی ہی بیٹی کی کسی ضرورت کو پورا کرنے کے لیے استعمال کرنی ہو،اور ضرورت پوری کرنے  کے لیے مطلوب رقم کم پڑ رہی ہو؟

جواب

واضح رہے کہ زکات اپنے اصول (والدین ،دادا/دادی، نانا، نانی وغیرہ) وفروع(بیٹا/ بیٹی، پوتے /پوتی، نواسے/ نواسی وغیرہ) کو دینا جائز نہیں ہے، لہذا صورتِ مسئولہ میں بیٹے کا اپنے باپ کو زکات دینا جائز نہیں ہے۔ البتہ بھائی اپنی  مستحق زکوۃ بہن کو ضرورت کے مطابق زکوۃ دے سکتا ہے۔

فتاوی ھندیہ میں ہے:

"و لايدفع إلى أصله، وإن علا، وفرعه، وإن سفل كذا في الكافي."

(کتاب الزکاۃ، جلد 1 ،ص:188، ط: دار الفکر)

فقط و اللہ اعلم