سوال

اعتکاف میں سگریٹ پی سکتے ہیں؟ سگریٹ پینے سے اعتکاف پر کوئی اثر ہو گا؟

جواب

واضح رہے کہ مسجد کو بدبو دار چیزوں سے پاک رکھنے کا حکم ہے اور اعتکاف مسجد میں کیا جاتا ہے، لہٰذا معتکف کے لیے مسجد کے اندر سگریٹ پینا مکروہ ہے، اور اگر معتکف سگریٹ پینے کے لیے مسجد سے باہر جائے گا تو اس کا اعتکاف فاسد ہوجائے گا، نیز اگر کوئی معتکف قضائے حاجت کے لیے بیت الخلا جائے اور وہاں سگریٹ پیے تو یہ بھی مکروہ ہے، لوگوں کی تکلیف کا باعث ہے، البتہ اگر معتکف نے قضائے حاجت کے دوران ہی سگریٹ پی لی اور سگریٹ پینے کے لیے اضافی وقت نہیں لگایا تو اس سے اعتکاف فاسد نہیں ہوگا، لیکن اس کا یہ عمل مکروہ ہوگا۔ اور اگر معتکف روزہ کی حالت میں سگریٹ پیے گا تو روزہ اور اعتکاف دونوں فاسد ہوجائیں گے، بعد میں ان دونوں کی قضا لازم ہوگی۔

سگریٹ پینے کے حوالہ سے درج ذیل فتویٰ ملاحظہ کیجیے:

کیا سگریٹ پینا حرام ہے؟

فقط واللہ اعلم