سوال

اگر عورت خلع کے لیے عدالت سے رجوع کرے اور شوہر  ملک سے باہر ہونے کی بنا پہ خود عدالت میں پیش نہ ہو ، بلکہ اپنے والد کو وکیل بنا دے اور عدالت خلع کی ڈگری  جاری کردے تو کیا خلع ہوجائے گا؟

جواب

واضح رہے کہ خلع دیگر عقودِ  مالیہ کی طرح ایک عقدِ مالی ہے، جس میں بیوی اپنے مہر کے عوض شوہر کے نکاح سے خلاصی حاصل کرتی ہے،  پس جس طرح   دیگر عقودِ  مالیہ میں عاقدین یا ان کے وکلاء کی جانب سے ایجاب و قبول شرعاً  ضروری ہوتا ہے،  بالکل اسی طرح  میاں و بیوی یا ان کے وکلاء کی جانب سے خلع میں ایجاب و قبول شرعاً ضروری ہوتا ہے،  پس اگر کسی ایک جانب سے قبول نہ پایا جائے تو شرعاً  کسی کو ان کے درمیان خلع کے ذریعہ  تفریق کا فیصلہ صادر کرنے کا حق نہیں ہوتا۔

لہذا صورتِ مسئولہ میں شوہر کی طرف سے مقرر کیے گئے وکیل نے عدالتی خلع کو اگر قبول کرتے ہوئے اس خلع کی ڈگری پر دستخط کردیے ہوں تو خلع ہوچکا ہے، وگرنہ نہیں۔فقط واللہ اعلم