سوال

 ایسے ہوٹل میں کام کرنا جس میں شراب پینےوالےاور نافذکرنےوالے اورغیرمسلم لوگ آتےجاتےہوں، میٹنگ کرتے ہوں، ایسے ہوٹل میں چوکیداری کرنا یا اور کوئی ملازمت کرنا جائز ہے یا نہیں ؟ 

جواب

صورتِ مسئولہ میں اگر  مذکورہ ہوٹل کی غالب آمدنی حلال ہو تو  اس میں ایسے شعبہ میں ملازمت کرنا جس میں براہِ راست حرام کام میں شمولیت نہ ہوتی ہو،  (مثلاً شراب پیش کرنا، یا اسے اٹھا کر منتقل کرنا وغیرہ نہ کرتاہو تو یہ ملازمت)شرعاً جائز ہے،  اور اس کی آمدنی حرام نہیں ہے، البتہ اگر ایسی جگہ ملازمت مل جائے جس جگہ ایسی حرام اشیاء نہ ہوں تو  یہاں ملازمت ترک کرکے وہاں ملازمت کی کوشش کرنی چاہیے۔ فقط واللہ اعلم