سوال

کیا ضعیف شخص پر رمضان کے روزے فرض ہیں؟ جب کہ مذکورہ شخص ہارٹ کا پیشنٹ ہے-

جواب

ہارٹ کامذکورہ پیشنٹ  اگر روزے کی طاقت نہیں رکھتا ، روزہ رکھنے سے بیماری کے بڑھنے کا خدشہ لا حق ہوجاتا ہےاور  ماہر دِین دار طبیب جائزہ لے کر اس کو روزہ رکھنے سے منع کرتا ہےتو  ایسی صورت میں روزہ نہ رکھنا جائز ہے،جب صحت ہو جائے تو ان روزوں کی قضا کرلے،اگر بعد میں اس بیماری سے صحت کی امید نہیں تو ایسی صورت میں ہر روزے کے بدلے صدقۃ الفطر کی مقدار فدیہ ادا کردے-فقط واللہ اعلم