سوال

میں اپنی بیٹی کا کیا نام رکھوں؟ ’’ہاجرہ‘‘  میری والدہ نے رکھا ہے اور ’’دعا‘‘ بچے کی ماں نے، کون سا بہتر ہے؟

جواب

حضرت ابراہیم علی نبینا وعلیہ الصلاۃ والسلام کی اہلیہ اور حضرت اسماعیل علیہ السلام کی والدہ کا نام ’’ہاجرہ‘‘  تھا، اس کا معنی ہے لائق فائق خاتون، اچھا نام ہے۔

’’دعا‘‘  کا معنی ہے: پکارنا۔ دُعا۔ 

ان دونوں ناموں میں سے بہتر نام ہاجرہ ہے، یہی رکھ لیجیے، اس میں نسبت بھی ہے اور معنیٰ بھی زیادہ اچھا ہے۔ 

تاج العروس (ص: 3624، بترقيم الشاملة آليا):
"والهاجِر يقال : بعير هاجِرٌ وناقةٌ هاجِرةٌ أي فائقةٌ فاضِلة والجمع الهاجِرات". فقط واللہ اعلم