سوال

احناف کے ہاں ہاتھی حرام کیوں ہے؟ ہاتھی میں حرام ہونے کی کون سی علت ہے؟

جواب

جمہور اہل علم کے ہاں ہاتھی حلال نہیں ہے،کیوں کہ حرام جانوروں کے بارے میں رسول اللہ صلی اللہ علیہ وسلم نے اصول مقرر فرمایا ہے کہ وہ تمام تر جانور جن کے نوکیلے (کچلی والے) دانت ہوتے ہیں وہ حرام ہیں۔اور ہاتھی کی کچلیاں تو ہر ایک کو نظر آتی ہیں۔

(صحیح بخاری ،کتاب الذبائح، والصید باب أکل کل ذی ناب من السباع ،ح: ۵۵۳۰)

وفی الشامیۃ : ولایحل ذوناب یصید  بنابہ ۔۔۔۔۔۔کالغداف ۔۔۔والفیل والضب الخ(ج: ۶، ص: ۳۰۶، ط: سعید)  فقط واللہ اعلم