ہماری مسجد کی پہلی صف میں گیس ہیٹر لگے ہوئے ہیں جو نمازی ان کے سامنے ہوں ان کی نماز میں کوئی حرج تو واقع نہیں ہو گا؟
مسجد میں گیس کے ہیٹر جلانے کی بہتر صورت یہ ہے کہ قبلہ کی جانب ہیٹر جلانے سے احتراز کیا جائے، یا پھر ایسی صورت اختیار کی جائے کہ نمازی کے کھڑا ہونے کی حالت میں ہیٹر اس کے قد سے بلند ہو۔لیکن اگر مجبوری میں قبلہ رخ ہیٹر لگاہو اور نماز پڑھ لی جائے تو نماز ہوجائے گی، کیوں کہ یہاں آگ کی عبادت اور اس کے سامنے جھکنا مقصود نہیں ہے۔
الفتاوى الهندية - (3 / 408):
"وَمَنْ تَوَجَّهَ فِي صَلَاتِهِ إلَى تَنُّورٍ فِيهِ نَارٌ تَتَوَقَّدُ أَوْ كَانُونٍ فِيهِ نَارٌ يُكْرَهُ، وَلَوْ تَوَجَّهَ إلَى قِنْدِيلٍ أَوْ إلَى سِرَاجٍ لَمْ يُكْرَهْ .
كَذَا فِي مُحِيطِ السَّرَخْسِيِّ، وَهُوَ الْأَصَحُّ" .
(کتاب الصلاۃ،الباب السادس فی الحدث فی الصلاۃ،الفصل الثانی فیما یکرہ فی الصلوۃ ومالایکرہ)فقط واللہ اعلم
فتوی نمبر : 144004200638
دارالافتاء : جامعہ علوم اسلامیہ علامہ محمد یوسف بنوری ٹاؤن