سوال

 فجر اور مغرب کی نماز میں گوگل میں اَپ لوڈ طلوع و غروب کے اوقات کی پابندی کر سکتے  ہیں؟

جواب

گوگل یا انٹرنیٹ پر جو نماز کے اوقات اَپ لوڈ کیے جاتے ہیں اگر کوئی دینی مستند ادارہ یا دین دار  پختہ عالم  اُس کی تصدیق کرتا ہو تو اُس پر اعتماد کیا جا سکتا ہے، بلا تصدیق اُس پر بھروسہ کرنا احتیاط کے خلاف ہے، احتیاط کا مقتضیٰ یہ ہی ہے کہ اکابرین علماء کرام کی طرف سے جو اوقاتِ نماز  کا نقشہ   بنایا  گیا  ہے  (مثلًا: پروفیسر عبد اللطیف صاحب  مرحوم کا بنایا ہوا نقشہ)، اس پر بھروسہ کیا جائے۔

نیز ہماری ویب سائٹ کے سر ورق پر پنج وقتہ نمازوں کے اوقات کا نقشہ موجود ہے، آپ مطلوبہ ملک اور شہر کا نام منتخب کرکے جامعہ علوم اسلامیہ کا معیار منتخب کرکے نمازوں کے اوقات کا نقشہ دیکھ سکتے ہیں۔ فقط واللہ اعلم