سوال

زید گزشتہ رمضان میں عذر کی وجہ سے روزے نہیں رکھ پایا اور عذر رفع ہونے کے بعد قضا بھی نہیں کی یہاں تک اس سال کا رمضان آگیا۔اب زید کے لیے کیا حکم ہے ؟ گزشتہ روزوں کی قضا کرے یا اس سال کے روزے رکھے اور رمضان کے بعد گزشتہ رمضان کی قضا کرے؟

جواب

اگر کسی عذر کی وجہ سے رمضان کے روزے چھوٹ جائیں تو عذر رفع ہوتے ہی جلد از جلد ان کی قضا کرنی چاہیے۔اگلے رمضان تک گزشتہ سال کے روزوں کی قضا نہ کرنا ناپسندیدہ عمل ہے۔البتہ اگر کوئی شخص گزشتہ رمضان کے روزوں کی قضا نہ کرسکا، یہاں تک کہ آئندہ سال کا رمضان آگیا تو اب اسے پہلے رمضان کے فرض روزے رکھنے ہوں گے اور رمضان المبارک کے بعد گزشتہ روزوں کی قضا کرے گا۔فقط واللہ اعلم