میں نے اپنی بیٹی کا نام ’’انابیہ‘‘ رکھا ہے، اور اس کے معنے میں نے دیکھے ہیں تو جنت کا دروازہ آ رہا ہے. اور کیا یہ اسلامی نام ہے؟ اور جنت کا کون سا دروازہ ہے؟
عربی لغت کی کتب میں ’’انابیہ ‘‘ کا معنی: ’’مشک‘‘ یا ’’مشک کے مشابہ کوئی خوش بو‘‘ ہے. اچھا نام ہے، اس لیے یہ نام رکھا جا سکتا ہے ۔
جنت کے آٹھ دروازے ہیں، ان میں سے کسی دروازے کا نام بھی ہمیں ’’انابیہ‘‘ نہ مل سکا۔
تهذيب اللغة (5/ 215، بترقيم الشاملة آليا):
"أنب
وقال: الأناب: ضرب من العطر يُضاهي المِسك".
كفاية المتحفظ (ص: 233):
"الأناب : المسك".
معجم متن اللغة (1/ 210):
"الأناب: المسك أو ضرب من العطر يضاهيه". فقط واللہ اعلم
فتوی نمبر : 144103200207
دارالافتاء : جامعہ علوم اسلامیہ علامہ محمد یوسف بنوری ٹاؤن