بلوچستان کا رہائشی سفر کے دوران کراچی میں اپنے کسی رشتہ دار کے گھر پندرہ دن سے کم ٹھہرتا ہے تو یہ شخص قصر کرے گا یا اتمام؟
آپ نے صوبہ بلوچستان کے کسی شہر کی تعین نہیں کی کہ کس جگہ کا رہائشی ہے؛ تاکہ مسافت متعین کی جاسکے ۔ تاہم اگرکراچی یا جس شہر کے لیے سفر کا ارادہ کرکے نکلا ہے اس شہر اور رہائشی علاقے کے درمیان اڑتالیس میل کا فاصلہ (تقریباً ستتر اعشاریہ چوبیس 77.24 کلومیٹر) ہے تو اپنے شہر سے نکلنے کے بعد مسافر کہلائے گا؛ لہٰذا راستے میں جہاں پندرہ دن سے کم عارضی قیام ہو مسافر کہلائے گا ، نماز میں قصر کرے گا۔ فقط واللہ اعلم
فتوی نمبر : 144004201025
دارالافتاء : جامعہ علوم اسلامیہ علامہ محمد یوسف بنوری ٹاؤن