سوال

عموماً  گاؤں دیہات میں گھاس کاٹتے وقت یا لکڑیاں کاٹتے وقت یا کسی اور اجتماعی کام کرنے کے لیے گاؤں کے لوگوں کو جب جمع کیا جاتا ہےتو ایسے مواقع پر ڈھول اور باجے  بجائے جاتے ہیں اور اس کی وجہ یہ بیان کی جاتی ہے کہ ڈھول باجے کی وجہ سے لوگوں میں کام کا جذبہ پیدا  ہوتاہے اور پھر اچھی طرح کام کرتے ہیں ، شرعاً ایسے مواقع پر ڈھول باجا بجانے کی اجازت ہے؟جب کہ وہاں کے بعض علماء نے اس کی اجازت دی ہے۔

جواب

کام کا جذبہ بڑھانے کے لیے بھی ڈھول اور باجے بجانا جائز نہیں ہے۔ البتہ ایسے موقع پر موسیقی کے آلات کا استعمال کیے بغیر نظم، اشعار، تقاریر وغیرہ کے ذریعے لوگوں کو کام پر ابھارا جاسکتا ہے۔ فقط واللہ اعلم