کیا کافروں کو زکاۃ دینا ٹھیک ہے ؟
زکات کی ادائیگی کے لیے کسی مسلمان مستحق کو مالک بنانا ضروری ہے، غیر مسلم کو زکات دینا جائز نہیں ہے، اس سے زکاۃ ادا نہیں ہوگی، البتہ اگر غیر مسلم ضرورت مند ہو تو نفلی صدقات وغیرہ سے اس کی مدد کی جاسکتی ہے۔
"عن إبراهیم بن مهاجر قال: سألت إبراهیم عن الصدقة علی غیر أهل الإسلام، فقال: أما الزکاة فلا، وأما إن شاء رجل أن یتصدق فلا بأس"۔ (المصنف لابن أبي شیبة / ما قالوا في الصدقة یعطي منها أهل الذمة۶؍۵۱۳ رقم:۱۰۴۱۰) فقط واللہ اعلم
فتوی نمبر : 144106200318
دارالافتاء : جامعہ علوم اسلامیہ علامہ محمد یوسف بنوری ٹاؤن