عشاء کی فرض نماز تو پڑھ لی ہے مگر وتر نہیں پڑھتا کئی سالوں سے ،تو اب وہ اگر قضا کرنا چاہے تو کیا وہ اب وتر کی صرف قضا کرے یا فرض کی بھی قضا کرے گا؟
اگر کسی شخص نے کئی سالوں تک صرف عشاء کی نماز کے فرض پڑھے ہیں، وتر نہیں پڑھے ہیں تو اس پر وتر (جس کا پڑھنا واجب ہے) کے چھوڑنے پر اللہ کے دربار میں توبہ و استغفار کرنا اور وتر کی قضا پڑھنا لازم (واجب ) ہے، البتہ عشاء کے جو فرض اس نے ادا کئے ہیں وہ ادا ہوگئے ہیں ان کی قضا اس کے ذمہ نہیں ہے۔
الدر المختار وحاشية ابن عابدين (رد المحتار) (2/ 66)
(وقضاء الفرض والواجب والسنة فرض وواجب وسنة) لف ونشر مرتب
فتوی نمبر : 144007200242
دارالافتاء : جامعہ علوم اسلامیہ علامہ محمد یوسف بنوری ٹاؤن