اگر گھر میں چھپکلی آجائے تو اسے مارنے سے پہلے یہ پوچھنا چاہیے کہ اگر اس میں جن ہے تو بھاگ جا، کیا چھپکلی کے اندر جن ہوتا ہے؟
چھپکلی ایک موذی جانور ہے، اس کا مارنا درست ہے، آپ ﷺ نے اس کی مارنے کی اجازت بلکہ حکم دیا ہے، اور اس کے مارنے پر ثواب بھی بیان کیا گیا ہے ، یہاں تک کہ اگر پہلی ضرب میں ماردیا جائے تو اس پر ثواب کی بڑی مقدار بیان کی گئی ہے، دوسری ضرب مارنے پر اس سے کم ہے اور تیسری میں اس سے کم ہے۔ اور اسے مارنے سے پہلے اجازت لینے کا حکم نہیں ہے۔
'' عن أبي هريرة، قال: قال رسول الله صلى الله عليه وسلم: «من قتل وزغة في أول ضربة فله كذا وكذا حسنة، ومن قتلها في الضربة الثانية فله كذا وكذا حسنة، لدون الأولى، وإن قتلها في الضربة الثالثة فله كذا وكذا حسنة، لدون الثانية»'' (صحیح مسلم 4/ 1758، باب استحباب قتل الوزغ، برقم: 2240، ط: داراحیاء التراث العربی) فقط واللہ اعلم
فتوی نمبر : 143908201068
دارالافتاء : جامعہ علوم اسلامیہ علامہ محمد یوسف بنوری ٹاؤن