سوال

کسی چیز کو خریدنے کے بعد معلوم ہوا کہ یہ چوری کا مال ہے، اور مالک بھی غائب ہو گیا ہے تو اس مال کا کیا حکم ہے؟

جواب

 چوری شدہ مال خریدنا اوراس کا استعمال کرنا شرعاً جائز نہیں ہے، خریدنے کے بعد معلوم ہوا کہ یہ مال چوری کا ہے تو یہ سودا ختم کرے مسروقہ چیز واپس کرکے اپنی رقم واپس لے لے، اور اگر بیچنے والے سے بھی رابطہ ممکن نہ ہو اور اصل مالک کا بھی علم نہیں ہے تو وہ چیز یا اس کی مالیت مالک کی طرف سے صدقہ کرے۔ فقط واللہ اعلم