سوال

کسی کے پسِ پشت قرآن مجید کی تلاوت کرنا کیسا ہے؟ آیا ادب کے خلاف ہے یا نہیں?

جواب

قرآن کریم کاادب واحترام لازم ہے اور بے ادبی کی کسی بھی صورت سے بچنا چاہیے، اس لیے حتی المقدور قرآن کریم کی جانب پشت نہ کی جائے اور نہ ہی کسی کی پشت کی جانب قرآن کریم لے کر تلاوت کی جائے،البتہ جہاں جگہ کی تنگی ہو اور متبادل کوئی صورت نہ ہوتوچوں کہ یہاں بے احترامی یابے ادبی مقصود نہیں ہوتی ، اس لیے جگہ کی تنگی کی صورت میں پشت کی جانب بیٹھ کر بھی تلاوت کرنادرست ہے۔(آپ کے مسائل اور ان کاحل4/491) فقط واللہ اعلم