سوال

 ایک لڑکی کو طلاق ہو گئی تھی دو چار سالوں بعد دوسری جگہ شادی ہو گئی ہے،  اب شادی کو ایک سال کا عرصہ ہو گیا ہے مگر شوہر پاس نہیں آتا، اس میں بالکل طاقت نہیں ہے،  اس مرد کی بھی دوسری شادی ہے،  پہلے والی بیوی کو طلاق دے دی ہے جس سے ایک لڑکی پیدا ہوئی تھی، وہ لڑکی اب 15 سال کی ہے،  مرد کی عمر  50 سال کے قریب جب کہ عورت کی عمر 32 سال ہے، اس عورت کی نہ تو پہلے شوہر سے کوئی اولاد ہوئی نہ اس سے کوئی اولاد ہوئی اور نہ ہی حاملہ ہے۔

مسئلہ نمبر 1) شوہر حقوقِ زوجیت پر قادر نہیں۔  مسئلہ نمبر 2) مرد کسی ایسی بیماری کا شکار ہو چکا ہے کہ ڈاکٹر کی ہدایت کے مطابق اگر وہ اپنی بیوی سے ہم بستری کرے گا تو بیماری عورت میں منتقل ہو جائے گی۔ طلب نمبر 1) عورت جوان ہے اسے خاوند (ہم بستری) کی ضرورت ہے۔  طلب نمبر 2) اور اولاد کی بھی طلب گار ہے۔ کیا حکم شرع ہے ؟

جواب

مذکورہ لڑکی کا شوہر اگر حقوقِ  زوجیت ادا کرنے پر قادر نہ ہو  تو وہ لڑکی اپنے خاندان کے بڑوں کے مشورہ سے اپنے شوہر سے طلاق لے کر عدت گزرنے کے بعد کسی دوسری جگہ نکاح کرسکتی ہے، شوہر کو بھی چاہیے کہ ان احوال میں (جب کہ وہ حقوق کی ادائیگی پر قادر نہیں ہے)  بیوی کو طلاق دے دے۔ فقط واللہ اعلم