سوال

میں ایک کالج میں پروفیسر ہوں، ملازمت کے کیا مسائل ہیں،  دورانِ  ملازمت میں قرآنِ  پاک کی تلاوت کرتا ہوں،  کیا یہ جائز ہے؟  اور کبھی کبھار کالج سے لیٹ ہو جاتا ہوں! راہ نمائی فرمایئے!

جواب

کالج انتظامیہ کے ساتھ آپ کا ملازمت کا جو معاہدہ ہوا ہے اس کی رو سے آپ کے جو اوقاتِ ملازمت ہیں ان میں تو کالج کا ہی کام کرنا چاہیے،  البتہ انتظامیہ  کی طرف سے آپ کو درمیان میں تھوڑا  بہت وقت ایسا دیا گیا ہے جس میں آپ کو فارغ رکھا گیا ہو اور اس وقت میں آپ کے ذمہ کالج کا کوئی کام نہ ہو تو ایسے وقت میں تلاوت کرنے میں کوئی حرج نہیں ہے۔

اگر آپ کالج کے مقرر کردہ وقت سے لیٹ ہوجائیں تو مہینے بھر کل ملا کر جتنی تاخیر آپ کو ہوئی ہو اس کا حساب  رکھ  کر  (استحقاقی رخصت سے اوقات زائد ہونے کی صورت میں) مہینے کے آخر میں اس وقت کے بقدر اپنی تنخواہ میں سے پیسے کٹوالیا کریں۔ فقط واللہ اعلم