دم کرنے والے بہت سارے حضرات چاہے قرآنی آیات ہی دم کریں، کہتے ہیں کہ استاد کی طرف سے یہ بتانے کی اجازت نہیں کہ کیا پڑھتے ہیں۔ کیا ایسا کرنا ٹھیک ہے؟
بعض وظائف آگے بتانے اور کسی اور کو اس کی اجازت دینے کے لیے ایک متعین نصاب مکمل کرنا مجربات میں سے ہے، اس کی تکمیل سے قبل عاملین کو ان کے استاذ کی جانب سے اجازت نہیں دی جاتی، جس کی پاس داری کا انہیں پابند کیا جاتا ہے، اسی طرح بعض اوقات اجازت کے لیے کچھ شرائط ہوتی ہیں، مجاز شخص کسی کے اندر وہ اہلیت یا شرائط نہیں پاتا اس وجہ سے وہ اجازت نہیں دے رہاہوتا، بہرحال یہ عمل مجربات میں سے ہے، جس کی شرعاً گنجائش ہے۔ فقط واللہ اعلم
فتوی نمبر : 144106200491
دارالافتاء : جامعہ علوم اسلامیہ علامہ محمد یوسف بنوری ٹاؤن