میں نے اپنے بیٹے کا نام ’’وجدان‘‘ رکھا ہے، ابھی ایک ہفتہ کا ہے، پیدائش کے بعد تھوڑا بیمار بھی رہا ہے. سوال یہ ہے کہ ’’وجدان‘‘ کے معنی کیا ہیں؟ اور یہ نام رکھنا مناسب ہے یا نہیں؟
’’وِجْدَان‘‘ کے معنی محسوس کرنے اور شعور کے آتے ہیں، یہ نام رکھنا اگرچہ جائز ہے، تاہم بہتر یہ ہے کہ انبیاءِ کرام علیہم السلام یا صحابہ کرام رضی اللہ عنہم کے اسماء میں سے کسی نام کا انتخاب کر لیا جائے، یا کم از کم عمدہ معانی والے اسماء میں سے کوئی نام رکھا جائے۔
الوِجْدَانُ : (معجم الوسيط):
"الوِجْدَانُ الوِجْدَانُ (في الفلسفة): يُطلَقُ أَوّلاً: على كلِّ إِحساس أَوَّلِيٍّ باللَّذَّة أَو الأَلم. و ثانيًا: على ضَرْبٍ من الحالات النفسيَّة من حيثُ تأَثُّرُها باللَّذَّة أَو الأَلم في مقابل حالاتٍ أخرى تمتاز بالإدراك والمعرفة".
فقط واللہ اعلم
فتوی نمبر : 144105200054
دارالافتاء : جامعہ علوم اسلامیہ علامہ محمد یوسف بنوری ٹاؤن