سوال

وتر میں دعاءِ قنوت کے لیے رفعِ یدین کرنا سنت ہے یا واجب؟ اس وقت تکبیر کہنا سنت ہے یا واجب؟ دعاءِ قنوت کے وقت مطلق کوئی بھی دعا پڑھنا واجب ہے یا جو دعاءِ قنوت ’’اللھم انا نستعینک‘‘ مشہور ہے یہی پڑھنا واجب ہے؟

جواب

نمازِوتر کی تیسری رکعت میں سورت کے بعد کوئی دعاپڑھناواجب ہے،البتہ مشہوردعا’’اللھم انانستعینک‘‘پڑھنامسنون ہے۔

اسی طرح دعاءِ قنوت کے لیے تکبیرکہنے کوبھی فقہاء نے واجب لکھاہے،البتہ دعاءِ قنوت کے لیے رفعِ یدین مسنون ہے۔

فقط واللہ اعلم