والدین کی اجازت کے بغیر حج یا عمرہ کیا جا سکتا ہے کہ نہیں یا ان دونوں عبادتوں پہ کوئی اثر پڑے گا؟
اگر حج فرض ہے تو حج کے لیے والدین سے اجازت لینا ضروری نہیں ہے، بلکہ اجازت نہ ملنے کی صورت میں بھی جانا ضروری ہے۔ اور اگر حج فرض نہیں تو ایسے حج اور عمرے کے لیے والدین سے اجازت لے کر جانا زیادہ بہتر ہے، بلکہ اگر والدین کو خدمت کی ضرورت ہو تو اُن کی اجازت کے بغیر نفلی حج اور عمرہ کے لیے جانا مکروہ ہو گا۔
الفتاوى الهندية (1/ 220):
"ويكره الخروج إلى الحج إذا كره أحد أبويه إن كان الوالد محتاجاً إلى خدمة الولد، وإن كان مستغنياً عن خدمته فلا بأس". فقط واللہ اعلم
فتوی نمبر : 144003200487
دارالافتاء : جامعہ علوم اسلامیہ علامہ محمد یوسف بنوری ٹاؤن