کیا اگر نکاح کے کاغذات پر دستخط نہ ہوں اور صرف نکاح کا خطبہ ہوا ہو تو اس سے نکاح ہوجاتا ہے؟
شرعی طور پر نکاح صرف زبانی ایجاب (نکاح کی پیشکش) اور (اس پیشکش کے) قبول سے ہوجاتا ہے۔ باقی نکاح کا خطبہ نکاح کے لیے سنت ہے اور کاغذات پر دستخط تحریری ثبوت کے لیے ہوتے ہیں۔
اگر صرف خطبہ پڑھا ہو، لیکن ایجاب و قبول نہ ہوا ہو تو اس صورت میں نکاح منعقد نہیں ہوگا۔
اور اگر ایجاب و قبول بھی ہوا ہو اور خطبہ بھی پڑھا ہو، لیکن نکاح نامہ میں دستخط نہ کیے ہوں تو شرعی طور پر نکاح منعقد ہوجائےگا۔ فقط واللہ اعلم
فتوی نمبر : 144104200297
دارالافتاء : جامعہ علوم اسلامیہ علامہ محمد یوسف بنوری ٹاؤن