سوال

میرے والد صاحب تقریباً  79 سال کی عمر میں انتقال فرما گئے تھے۔ ان کی قضا نمازوں کا فدیہ مروجہ دور میں کتنا ادا کیا جائے گا؟  نیز اس فدیہ کے مصارف سے بھی براہ کرم آگاہ فرمائیں!

جواب

ایک نماز کا فدیہ ایک صدقہ فطر کے برابر ہے ۔ اور روزانہ وتر کے ساتھ چھ نمازیں ہیں تو ایک دن کی نمازوں کے فدیے بھی چھ ہوئے، اور ایک صدقہ فطر تقریباً پونے دو کلو گندم یا اس کاآٹا یا اس کی قیمت ہے، کراچی اور اس کے مضافات میں اس سال ایک  فطرہ کی رقم 90 روپے ہے۔ فدیہ کا مصرف وہی ہے جو زکات  کا مصرف ہے یعنی مسلمان فقیر (جو سید اور ہاشمی نہ ہو اور صاحبِ نصاب بھی نہ ہو) کو مالک بناکر دینا۔فقط واللہ اعلم