سوال

دو آدمی نمازپڑھ رہے تھے جس میں سے ایک امام اوردوسرا مقتدی تھا کسی تیسرے آدمی نے آکران دونوں کے کان میں ایک ایک کرکے بولاکہ امام آپ تھوڑا آگے ہوجائیں ، اورمقتدی سے کہاکہ آپ تھوڑاپیچھے ہوجائیں،تاکہ  میں بھی آپ کے ساتھ نمازمیں شریک ہوجاوں،تواس صورت میں امام اورمقتدی نے ان کالقمہ قبول کرلیا تو ان کی نمازہوجائے گی یاٹوٹ جائے گی؟

جواب

صورت مسئولہ میں اگرامام اورمقتدی نمازسے خارج آدمی کی بات پرعمل کرتے ہوئے  آگے پیچھے ہوئے توان کی نمازٹوٹ گی۔اس لیے کہ اگرکوئی نمازی نمازکے اندردوسرے کے بتانے پرعمل کرتاہے تونمازفاسدہوجاتی ہے۔ایسی صورت میں نمازی کوچاہئے کہ تھوڑی دیروقفہ کرے اورپھراپنی مرضی سے وہ کام کرے۔(فتاویٰ شامی،1/622،کتاب الصلوۃ،ط:سعید)فقط واللہ اعلم