قراءت کے وقت اگر ’’محمد رسول اللہ‘‘ آجاۓ تو صلی اللّٰہ علیہ وسلم کہنا چاہیے یا نہیں، جب جماعت کے ساتھ نماز پڑھی جا رہی ہو؟
نماز کے دوران قراءت میں اگر نبی کریم صلی اللہ علیہ وسلم کا نام مبارک آجائے تو اسے سن کر صلی اللہ علیہ وسلم کہنا جائز نہیں، ایسا کرنے سے نماز فاسد ہوجائے گی۔
الدر المختار شرح تنوير الأبصار (1 / 621):
"فروع: سمع اسم الله تعالى، فقال: جل جلاله أو النبي صلى الله عليه وسلم فصلى عليه، أو قراءة الإمام، فقال: صدق الله ورسوله، تفسد إن قصد جوابه". فقط واللہ اعلم
فتوی نمبر : 144102200156
دارالافتاء : جامعہ علوم اسلامیہ علامہ محمد یوسف بنوری ٹاؤن
