کیا قضا نماز وں کے صرف فرائض ہی ادا کرنے ہوں گے؟ اور کیا فرائض کی تعداد اتنی ہی ہے جتنے فرائض ہوتے ہیں جیسے کہ ظہر کے 4 فرض ہیں وہ 4 ہی پڑھنے ہوں گے یا ان میں کوئی کمی بیشی کی گنجائش ہے؟
صورتِ مسئولہ میں کوئی نماز رہ جائے اور وقت گزرنے کے بعد ادا کی جائے تو صرف فرض نماز ادا کرنی ہوگی، فرض میں کوئی کمی بیشی نہیں، جتنی رکعات ادا میں فرض ہیں اتنی ہی قضا میں بھی، سنن و نوافل کی قضا نہیں کی جائے گی ، البتہ وتر رہ جانے کی صورت میں اس کی بھی قضا ضروری ہے۔ فقط واللہ اعلم
فتوی نمبر : 143908200072
دارالافتاء : جامعہ علوم اسلامیہ علامہ محمد یوسف بنوری ٹاؤن