مجھ سےکسی نے سوال کیا کہ نماز فرض سے شروع ہوتی ہے یا سنت سے؟ مثلاً تکبیر فرض ہے اور ہاتھ اٹھانا سنت ہے۔ تو میں کیا جواب دوں؟ راہ نمائی فرمائیں!
نماز تو درحقیقت تکبیرِ تحریمہ سے ہی شروع ہوتی ہے جو کہ فرض ہے۔ ہاتھ نہ بھی اٹھائےتو نماز شروع ہو جائے گی اور زبان سے تکبیر کہے بغیر اگر ہاتھ اٹھالے تو بھی نماز شروع نہیں ہوتی۔ البتہ تکبیرِ تحریمہ کہتے ہوئے اس کے ساتھ ہاتھ اٹھانا سنت ہے۔
"عن علي عن النبي صلی الله علیه وسلم قال: مفتاح الصلاة الطهور، و تحریمها التکبیر، و تحلیلها التسلیم". (جامع الترمذي، باب ماجاء مفتاح الصلاة الطهور) فقط واللہ اعلم
فتوی نمبر : 144010201177
دارالافتاء : جامعہ علوم اسلامیہ علامہ محمد یوسف بنوری ٹاؤن