کیا ہم نماز میں پہلی رکعت میں سورۂ قل اور دوسرے رکعت میں سورۂ کوثر پڑھ سکتے ہیں؟
فرض نماز میں قرآن مجید ترتیب کے مطابق پڑھنا تلاوت کے واجبات میں سے ہے، اور خلافِ ترتیب پڑھنا مکروہِ تحریمی ہے،جان بوجھ کر خلافِ ترتیب پڑھنے سے آدمی گناہ گارہوگا اور نماز مکروہ ہوگی، البتہ اگر غلطی سے کوئی شخص خلافِ ترتیب قراءت کرلے تو نماز درست ہوجائے گی۔ سجدہ سہو اور اعادہ بہرصورت لازم نہیں۔''البحرالرائق'' میں ہے:
''وفي التجنيس: لو قرأ سورة ثم قرأ في الثانية سورة قبلها ساهياً لا يجب عليه السجود ؛ لأن مراعاة ترتيب السور من واجبات نظم القرآن لا من واجبات الصلاة، فتركها لا يوجب سجود السهو''۔(2/102دارالمعرفہ)فقط واللہ اعلم
فتوی نمبر : 143909201121
دارالافتاء : جامعہ علوم اسلامیہ علامہ محمد یوسف بنوری ٹاؤن