سوال

نقدی کو ہی بطورِ وقف کے رکھنا جائز ہے یا نہیں؟ اگر جائز نہیں ہے تو کیا مالکی مسلک پر عمل کرنے کی گنجائش ہے یا نہیں؟ کیوں کہ میرے علم کے مطابق ان کے ہاں درہم ودینار بطور وقف جائز ہے۔

جواب

نقد رقم کو وقف کرنا شرعاً جائز نہیں ہے، وقف کے لیے ضروری ہے کہ اصل کو باقی رکھتے ہوئے اس کے منافع سے استفادہ کیا جائے جب کہ نقد کو استعمال کیے بغیر استفادہ ممکن نہیں ہے، فقہ مالکیہ کے صحیح  مذہب کے مطابق بھی نقد کا وقف جائز نہیں ہے۔ علامہ ابن قدامہ حنبلیؒ رقم طراز ہیں :
’’ وجملته أن ما لایمکن الانتفاع به مع بقاء عینه کالدنانیر والدراهم والمطعوم والمشروب والشمع وأشباهه لایصح وقفه، في قول عامة الفقهاء وأهل العلم، إلا شیئاً یحکٰی عن مالک والأوزاعي في وقف الطعام أنه یجوز ولم یحکه أصحاب مالک ولیس بصحیح؛ لأن الوقف تحبیس الأصل وتسبیل الثمرة؛ وما لا ینتفع به إلا بالاتلاف لا یصح فیه ذٰلک‘‘. (المغني:۸؍۲۲۹)فقط واللہ اعلم