سوال

نفاس کے بعد حیض کب شمار ہوگا  جب کہ خون چالیسویں دن پر بھی بند نہ ہوا ہو؟  جواب مرحمت فرمائیں۔

جواب

اگر کسی عورت کے یہاں پہلی ولادت ہے اورخون مسلسل جاری رہا تو چالیس دن نفاس کے شمار ہوں گے اس کے بعد پندرہ دن تک طہر(پاکی)شمار ہوں گے  اوراس کے بعد حیض شمار ہوگا۔اور اگر پہلی ولادت نہیں، بلکہ اس سے پہلے بھی ولادت ہوچکی ہے اور  چالیس دن سے زیادہ خون جاری رہا تو سابقہ عادت کے مطابق نفاس کے ایام شمار کیے جائیں گے، اس کے بعد پندرہ دن طہر (پاکی )کے ہوں گے پھر عادت کے موافق حیض شمار ہوگا۔

واضح رہے کہ عوام میں جو مشہور ہے کہ نفاس سے پاکی چالیس دن کے بعد ہوتی ہے چاہے خون پہلے ہی کیوں بند نہ ہوجائے ،صحیح نہیں ہے۔ فقط واللہ اعلم