سوال

 کیا نبی کریم صلی اللہ علیہ وسلم کو حضور کہنا جائز ہے؟

جواب

نبی کریم ﷺ کو حضور ﷺ کہنا جائز ہے, البتہ یہ بات ملحوظ رہنی چاہیے  کہ اردو میں لفظ ’’حضور‘‘ ادب و احترام کے لیے استعمال ہوتا ہے،  نبی کریم ﷺ کا ذکر مبارک ’’حضور ﷺ ‘‘ کے لفظ سے کرنے کا مطلب یہ نہیں ہوتا کہ نبی کریم ﷺ بھی ہر وقت ہر جگہ حاضر و ناضر ہیں؛ کیوں کہ ہر وقت ہر جگہ حاضر و ناضر ہونے کی صفت تو صرف اللہ تبارک و تعالیٰ کے ساتھ خاص ہے۔ فقط واللہ اعلم