اگر کسی کا نام احمد ہو یا محمد ہو اس کو احمدی یا محمدی نسبت سے پکارنا کیسا ہے؟
اپنے نام کے ساتھ محمدی یا احمدی کی نسبت لگانا فی نفسہ جائز ہے ، شرعاً کوئی حرج نہیں ۔اور اس نسبت سے کسی مسلمان کو پکارا جاسکتا ہے۔
لیکن چونکہ ایک باطل گروہ قادیانی اپنے آپ کو "احمدی " کہہ کر لوگوں کو فریب دیتے ہیں ،اور وہ اس نسبت سے مشہور بھی ہیں اس لیے کسی مسلمان کو احمدی کی نسبت لگانے سے اجتناب کرنا چاہیے تاکہ اشتباہ نہ ہواور قادیانی گروہ کےافراد کو بھی احمدی کہنا درست نہیں ،بلکہ انہیں قادیانی ہی کہنا اور لکھناچاہیے۔
فتوی نمبر : 144109200286
دارالافتاء : جامعہ علوم اسلامیہ علامہ محمد یوسف بنوری ٹاؤن