بچے کا نام کسی کی مرضی سے رکھا جائے ،میری ماں کی یا بچے کی ماں کی؟
نومولود بچے کا نام رکھنے کا حق والد کا ہے، اسے اختیار ہے کہ نام خود رکھے یا اپنا اختیار کسی کو دے دے، تاہم اگر بچے کے دادا یا دادی کوئی نام تجویز کریں اور اس میں کوئی شرعی خرابی نہ ہو تو آداب اور اخلاقیات کا تقاضا یہ ہے کہ ان کی خوش نودی کی خاطر اپنی رائے چھوڑدی جائے، اس معاملہ میں والدین کی ناراضی مول لینا صحیح نہیں، ہاں پیار محبت سے ان کو قائل کرنے کی کوشش کرنا منع نہیں ہے، اور یہ نافرمانی میں شمار نہیں ہوگا ۔ فقط واللہ اعلم
فتوی نمبر : 144105200884
دارالافتاء : جامعہ علوم اسلامیہ علامہ محمد یوسف بنوری ٹاؤن