سوال

ایک شخص کا انتقال ایک شہر میں ہوا، وہاں اس کی رہائش، کاروبار یا نوکری ہے،  کیا اُس کی تدفین آبائی علاقے میں لے جا کر کی جاسکتی ہے؟ میت کو ایک شہر سے دوسرےشہر منتقل کرنے کے بارے میں اَحنَاف کا موقف کیا ہے؟ راجح قول مستند حوالہ جات کے ساتھ بیان کریں۔

جواب

کسی مجبوری کے بغیر میت کو  ایک مقام سے دوسرے مقام پر منتقل کرنا خلافِ اولیٰ ہے،  الا یہ کہ یہ دوسرا مقام اس میت کے خاندان کا مدفن ہو۔  (کفایت المفتی  4/ 62 ط: دار الاشاعت)

الفتاوى الهندية (4 / 485):

"ويستحب في القتيل والميت دفنه في المكان الذي مات في مقابر أولئك القوم، وإن نقل قبل الدفن إلى قدر ميل أو ميلين فلا بأس به، كذا في الخلاصة. وكذا لو مات في غير بلده يستحب تركه فإن نقل إلى مصر آخر لا بأس به".  فقط و اللہ اعلم