سوال

 عمرہ کے اختتام کاوقت عصر کی نماز کے بعد کا ہو، تو نفل کی ادائیگی  اسی وقت کرنی ہوگی یا موخر کر کے نفل پڑھیں؟

جواب

رسو ل اللہ ﷺ نے فجر کے بعد سے طلوع آفتاب تک اور عصر کے بعد سے غروب آفتاب تک نماز پڑھنے سے منع فرمایا ہے، اس لیے اگر کوئی شخص  عصر کے بعدعمرہ ختم کرے یا طواف کرے تو عمرے کے بعد ادا کیے جانے والے مستحب نفل یا  طواف کی دو رکعت کے لیے مکروہ وقت نکلنے کا انتظار کرے، اور  مغرب کا وقت داخل ہونے کے بعد یہ نماز ادا کرے۔

'' أن النبي صلی الله علیه وسلم نهی عن الصلاة بعد الصبح حتی تشرق الشمس ، و بعد العصر حتی تغرب.'' (صحیح البخاري، 1/120، رقم الحدیث:581، ط:دار طوق النجاة) فقط واللہ اعلم