اگر کسی کو مچھر کاٹے اور مچھر کو وہ آدمی مارے اور وہ مچھر مر کر اس سے خون بہے کیا اس سے وضو ٹوٹ جاتا ہے؟
باوضو شخص کے اپنے جسم سے خون نکلے اور بہ جائے یا اسے دیگر وضو توڑنے والے عوارض میں سے کوئی عارض پیش آجائے مثلاً ریح خارج ہوجائے تو اس کا وضو ٹوٹ جاتا ہے، مچھر کو مارنے اور اس کا خون باوضو شخص کے جسم کو لگنے سے وضو نہیں ٹوٹتا، یہاں تک کہ مرے ہوئے مچھر کا خون کپڑوں کو لگ جائے تو کپڑے بھی ناپاک نہیں ہوتے۔فقط واللہ اعلم
فتوی نمبر : 144012200074
دارالافتاء : جامعہ علوم اسلامیہ علامہ محمد یوسف بنوری ٹاؤن