سوال

 میرا ایک بھتیجا ہے جس کے جسم کے مختلف حصوں، خاص کر پاؤں پر دانے نکلتے ہیں، کافی علاج کیا، کچھ وقت کے لیے ختم ہو جاتے ہیں، لیکن دوائی ختم ہوتے ہی دوبارہ نکل آتے ہیں، برائے مہربانی کوئی وظیفہ تجویز فرماویں۔

جواب

پہلے یہ درود شریف پڑھیں:اَللّٰهُمَّ صَلِّ عَلَى مُحَمَّدٍ بِعَدَدِ كُلِّ دَاءٍ وَّدَوَاءٍ وَ بَارِك وَسَلِّم بِسمِ اللهِ الرَّحمٰنِ الرَّحِيمِ

اس کے بعد  سورہ فاتحہ اور آخر میں مذکورہ بالا درود شریف ایک بار دوبارہ پڑھیں اور پانی پر دم کر کے پی لیں اور دانوں پر بھی دم کریں ان شاء اللہ شفا ہوگی۔

نیز ہر نماز کے بعد کم از کم ایک بار درج ذیل دعا کا بھی اہتمام کریں۔

اَللّٰهُمَّ اِنِّي اَعُوذُبِكَ مِنَ البَرَصِ وَ الجُنُونِ وَ الجُذَامِ  وَ مِن سَيِّئِ الاَسقَامِ.فقط و اللہ اعلم